സ്വര്‍ഗരാജ്യം

സ്വര്‍ഗരാജ്യം




----------------



യാ അല്ലാഹ്‌!

എണ്റ്റെ ആത്മാവാകുന്ന

ഖനിയില്‍

നീ സ്വര്‍ണം വിളയിക്കുന്നു

ശരീരത്തിലോ?

രക്തധമനികള്‍ പേറുന്ന

നൌകകളിലോരോന്നിലും

കൊയ്തെടുത്ത കതിര്‍ക്കുല പോലെ

ചൈതന്യം, ദീപ്‌ തമായ

മഹാചൈതന്യം

നീ നിറയ്‌ ക്കുന്നു.

മൂന്നും കൂടിയ വഴിയില്‍

വഴിപോക്കരോട്‌

പടിഞ്ഞാറേതെന്ന്

ഞാനിനി ചോദിക്കയില്ല

ചുവന്ന സൂര്യദര്‍ശനം

എനിക്ക്‌ വിധിച്ചതും

നീ തന്നെ

കരയുന്ന കുഞ്ഞിനു

കളിപ്പാവയായി

നീയെനിക്ക്‌ സൂര്യനെ തന്നു.

എനിക്ക്‌ നഷ്ടപ്പെട്ടത്‌

വെറുമൊരു മധുവിധു

ഞാന്‍ നേടിയെടുത്തതോ

സ്വര്‍ഗരാജ്യവും.



---------------കമലാ സുരയ്യ

0 comments: